L'astrolabe,
chant royal de Pierre Crignon
Argument
Nostre astrolabe ou est comprins la sphere
C'est l'humble Vierge en sa conception ;
L'ouvrier, c'est Dieu qui grace lui confere
4 - Pour de son filz faire reception;
La ligne aurore est son inception,
Les cercles ronds et graduacion
Ce sont vertus que Dieu en elle infere;
8 Le quateur est justification,
Tropicques sont gloire, exaltacion
Dont toute femme en honneur el prefere.
Le zodiac et la retz tellifere
12 Dons de beaulté et de perfection
Les angles droicts la benediction
Du tout puissant qui la garde et soustient,
Qui la faict juste a son intencion,
16 Pour contenir soubz son extension
Le rond parfaict qui l'enclost et contient.
Chant royal
Celuy qui feist la grande rnapemonde
Bien compassee en zones et climatz, p. 6
Voiant humains en la mer de ce monde
4 Hors de leur route, en peril, vains et mastz,
Ayant perdu anchres, voiles et mastz
Par tampeste et venta d'ingratitude,
Non congnoissans soubz quelle latitude
8 Estoyent menez, navigans en desroy,
Leur composa du plus fin or qu'on prise,
Pour les conduire en sainct et bon terroy,
Juste astrolabe ou la sphere est comprise.
12 ll le tourna et feist de forme ronde,
Puis gradua le limbe par compas;
De purité fut la face profonde,
Pour recepvoir tables ou ne sont pas
16 Traictz maculez, car sans faillir d'un pas,
Quatre angletz droict y feist en promptitude,
Luy conférant de beaulté plenitude.
Chacun tropique y fut mys en arroy
20 Et le quateur justement, sans reprise,
Pour approuver comme instrument de roy
Juste astrolabe ou la sphere est comprise. p. 7
Sur les timpans tournez d'or pur et munde
24 Dont la bonté surpasse humains caratz,
De son compas feist, sans rasure immunde
Les azimuthz et almicantarathz,
La ligne aurore exemptee de baratz,
28 Le droict zenith d'humble mansuetude,
Horizons vrays, heures de rectitude;
Puis mist dessus la retz, portant en soy
Le Zodiac d'estoilles entreprise,
32 Et l'ostenseur qui le monstroit par loy
Juste astrolabe ou la sphere est comprise.
De l'autre part maint orbe le circunde,
Ou sont pourtraictz par degrez hault et bas,
36 Signes d'amour, jours et moys ou se fonde
L'an ou prend fin la guerre et tous debatz;
Puis l'alhidade y a mis par esbatz,
Pour desmonstrer aux quartes d'altitude
40 Du vray soleil la haulte magnitude,
Quant il viendra par la ligne de foy
Entrer dedans la pinnule bien prise;
et lors sera trouvé comme je croy
44 Juste astrolabe ou la terre est comprise, p. 8
De l'alchicot ou charité abonde
Fut tout conjoinct, dont pauvres humains las
Voyans la sphere en la grant mer feconde
48 Estre comprise, eurent joye et soulas,
Et de la mort eviterent les lacqz,
Considerant, soubz tel similitude,
Que Vierge et mere en toute sanctitude
52 Contiendroit Dieu, et par son octroy
Seroit de grace en concept si esprise
Qu'on la diroit hardiment, sans effroy,
Juste astrolabe ou la sphere est comprise.
Envoi
56 Prince, les gens eurent lors certitude
Du port de grace et de sa longitude,
Et le pylote, ayant l'armille au doy,
Disoict: « Enffans, n'ayez craincte, je voy
60 Du vray soleil le cler rayon qui brise:
Cest instrument nous fera bon conroy,
En l'esprouvant maintenant le congnoy
Juste astrolabe ou la sphere est comprise. »
Datation : avant 1536
Notes : Les indications lexicales proviennent pour la plupart du travail d'édition de P. Ferrand.
Argument:
v. 8 : le quateur : l'équateur.
v. 11 : la retz tellifere : stellifère : l'araignée de l'astrolabe, qui indique la position des étoiles.
Chant royal;
v. 2 : zones et climatz : on reconnaît ici les divisions traditionnelles de la terre.
v. 4 : matz : affligés.
v. 8 : en desroy : déroutés.
v. 13 : limbe : bord de l'astrolabe, légèrement en relief.
v. 14 : face profonde : partie creuse de l'astrolabe, dans laquelle seront mis les divers tympans et l'araignée.
v. 16-18: tables ... : il s'agit des tympans, variant selon les latitudes.
v. 17 : anglets droits : le tracé du tympan commence par deux diamètres perpendiculaires. v. 24: Les azimutha et almicantarathz : azimut: angle formé par le plan vertical d'un astre et le plan méridien d'un point d'observation; almucantarat : hauteur du soleil ou d'une étoile. Ces données sont inscrites par des courbes sur les tympans.
v. 30 : retz : araignée, partie ajourée et mobile de l'astrolabe qui permet de situer les étoiles.
v. 34: l'autre part: le dos de la mère.
v. 38: alhidade : règle mobile posée sur l'astrolabe et permettant la visée.
v. 42: pinnule: mire posée sur l'alhidade.
v. 45 : alchicot: cheville maintenant ensemble les diverses pièces de l'astrolabe.
v. 58 : armille : anneau où pend l'astrolabe et dans lequel on passe le pouce lorsque l'on
fait une visée.
v. 64: le chant royal se termine par la devise de Crignon : « Tout viengne a bien », avec l'indication, d'une encre plus pâle : P. Crignon.